Tourette samtökin á Íslandi ForsíðaUm samtökinHafðu samband
Hvað er Tourette? Ábendingar Greinasafn Tenglar Veftré  
Næsta námskeið
Hóparnir Tourette foreldrar og Tourette-Ísland eru starfandi á Facebook.
Á döfinni
<júlí 2017>
þrmifilasu
262728293012
3456789
10111213141516
17181920212223
24252627282930
31123456
Fréttabréf
English version




Næsta námskeið

Varðandi næsta námskeið þá hefur það verið sett í biðstöðu þar sem Málfríður Lorange getur ekki tekið að sér að halda það nú í vetur 2010-2011.  
Kristín Kristmundsdóttir sem haldið hefur námskeiðin ásamt Málfríði er með Cope námskeiðin hjá ADHD ásamt öðrum aðila og bendum við fólki á þau, sjá hér neðar.
Tourette samtökin munu í haust og vetur bjóða upp á kynningar um Tourette og munum við auglýsa þær á póstlistanum og á vefnum. 
 
Námskeið um Tourette heilkenni og slaka hegðunarstjórnun

fyrir foreldra, kennara og annað áhugasamt fagfólk

Stefnt er á að halda námskeið vor eða haust  2010, tímasetningin er háð þátttöku. Þeir sem hug hafa á þessu námskeiði hafi samband með tölvupósti á tourette@tourette.is eða hringi í 840 2210. Þar sem allnokkurn tíma tekur yfirleitt að safna nægum fjölda þátttakenda, þá bendum við einnig á námskeið sem eru á vegum ADHD samtakanna, www.adhd.is, svonefnd COPE námskeið o.fl. Sömu leiðbeinendur eru þar á COPE námskeiðunum og halda Tourette námskeið fyrir okkur.

Námskeið þetta höldum við yfirleitt í sal Sjónarhóls á 3. hæð að Háaleitisbraut 11 – 13. Um dagsnámskeið er að ræða sem stendur frá því kl. 10 að morgni og fram til kl. 15:30 og síðan er kynning í framhaldinu til um kl. 18. Tourette samtökin bjóða upp á kaffi og gos og auk þess samlokur í hádeginu.

Fyrirlesarar:

Málfríður Lorange taugasálfræðingur og Kristín Kristmundsdóttir félagsráðgjafi.

Í kjölfar námskeiðs bjóða Tourette-samtökin yfirleitt upp á kynningu á Tourette, sjá Kynningar um Tourette, sem Íris Árnadóttir hefur haldið í skólum og víðar á vegum samtakanna. Sú kynning stendur í 1 til 2 klst. og að lokum geta þeir sem vilja rabbað saman um Tourette málefni.

Dagskrá:

  • Yfirlit um Tourette heilkenni, lýsing á einkennum, orsakir, tíðni horfur og framvinda. Fylgiraskanir.
  • Árátta og þráhyggjuhegðun hjá börnum og unglingum með Tourette.
  • Reiði og reiðistjórnun.
  • Jákvæðar hegðunarmótandi aðferðir, kennsla í notkun einfalds umbunarkerfis.
  • Tourette og skólinn.

Haldin eru stutt fræðsluinnlegg og lögð áhersla á virkar umræður. Unnið er í fámennum hópum.

Námskeið þessi eru aðeins haldin ef þátttaka er næg og verð námskeiðs er um þessar mundir um 20 þúsund kr. Tourette samtökin niðurgreiða námskeiðið verulega fyrir foreldra í félaginu sem ekki hafa farið á það áður og hafa greitt félagsgjaldið sitt. Nú kostar því námskeiðið foreldri/foreldra hvers barns um 8.000.- kr. ATHUGIÐ að sama verð er á námskeiðinu hvort sem annað foreldri eða bæði taka þátt og jafnvel þótt amma og afi komi líka.

Samtökin hafa líka greitt ferðastyrk á námskeiðið til félagsmanna sem búa úti á landi og ekki hafa farið áður á námskeið hjá okkur, sem nemur flugfargjaldi eins aðila pr. barn eða þá fyrir bensínkostnaði, og að því tilskildu að viðkomandi hafi greitt félagsgjöld. Ferðastyrkurinn er greiddur út í lok námskeiðs og framvísa þarf kvittun vegna ferðakostnaðar.

Fólk á vinnumarkaði getur sótt um styrk úr starfsmenntasjóði líka (sem sé bæði foreldrar og fagfólk).

Biðjum við þá aðila sem hug hafa á þessu námskeiði að hafa samband með því að senda okkur tölvupóst á tourette@tourette.is eða hringja í símanúmer samtakanna 840 2210

Útgefið efni










  tourette@tourette.is

Þessi vefur keyrir á vefumsjónarkerfi frá Xodus.is